#HABARI: Wakili maarufu Andrew Chacha Mwita ameshtakiwa kwa makosa manne yanayohusiana na kufadhili na kuwezesha vitendo vya kundi la Kigaidi la Islamic State nchini Kenya.
Wakili Mwita alikamatwa Ijumaa iliyopita jijini Mombasa baada ya uchunguzi kumhusisha na kuwezesha vitendo hivyo na kutoa huduma kwa mashirika ya kigaidi.
Wakili huyo alifikishwa katika Mahakama ya Kupambana na Ugaidi ya Kahawa nchini Kenya, ambapo amesomewa mashtaka manne yanayohusiana na ugaidi na yote akiyakana.
Waendesha mashtaka walidai kuwa uchunguzi umeonyesha kuwa Mwita na mtandao wa kusajili watu katika Eneo la Pwani, ambapo inadaiwa kuwa Mwita aliwasaidia vijana kujiunga na makundi ya kigaidi.
Huku maafisa wa upelelezi pia wakidai kuwa mshtakiwa alitumia nambari nyingi za simu kupokea pesa kutoka kwa akaunti inayodaiwa kuhusishwa na ufadhili wa shughuli za kigaidi ndani na nje ya nchi.
Mawakili Lempaa Soyinka na Ayota Magati wanaomwakilisha Mwita wamesema kuwa kutoa uwakilishi wa kisheria kwa washukiwa wa ugaidi sio kosa la jinai, wakielezea kesi hiyo kama jaribio la Serikali kuwakatisha tamaa mawakili kutoa huduma zao kwa watuhumiwa. Mwita ni wakili mkongwe, anayejulikana katika Mahakama za Kenya kwa kuwatetea wateja wanaokabiliwa na mashtaka yanayohusiana na ugaidi katika muongo mmoja uliopita.
Endapo Mahakama itakubali ombi la Kitengo cha Polisi cha Kupambana na Ugaidi, Mwita atazuiliwa katika Kituo cha Polisi cha Eneo la Viwanda jijini Nairobi huku uchunguzi ukiendelea.
Powered by #MCHEZOSUPA
JINSI YA KUSHIRIKI MCHEZO SUPA:
–
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
#Follow @itvtz @radioonetanzania
@capitaldigitaltanzania.