Ziara hiyo ni yenye lengo la kusimamia mpango wenye thamani ya dola bilioni 1.4 wa kukarabati reli ya Tazara iliyojengwa enzi za Vita Baridi na itakayoiwezesha China kufikia upatikanaji wa madini muhimu.
China imewekeza mno katika sekta ya uchimbaji madini katika nchi hiyo ya kusini mwa Afrika, ambayo ni mojawapo ya wazalishaji wakuu wa madini ya shaba duniani na ambayo ni muhimu kwa uzalishaji wa vifaa mbalimbali vya kielektroniki.
Waziri Li Qiang atakutana hapo kesho na Rais wa Zambia Hakainde Hichilema na watasaini hati za kuanza uboreshaji wa reli hiyo ya Tazara inayounganisha migodi ya Zambia na bandari ya Dar es Salaam ya Tanzania. Mwezi Septemba, China, Zambia na Tanzania zilisaini makubaliano ya kuiruhusu kampuni ya Ujenzi ya China inayomilikiwa na serikali kutekeleza ukarabati huo.