Umoja wa Mataifa umetangaza kuwa, juhudi za kimataifa za kupambana na ukimwi zimepitia hali ngumu kutokana na kupunguzwa kwa ufadhili kimataifa.
Nchi maskini na zenye raia wa kipato cha kati ndizo zimeathiriwa zaidi.
Mkurugenzi wa shirika la kimataifa la Umoja wa Mataifa la kupambana na ukimwi UNAIDS Winnie Byanyima amezungumza juu ya kupunguzwa kwa kiwango kikubwa cha ufadhili kulikotangazwa na Rais wa Marekani Donald Trump baada ya kushinda uchaguzi na kurejea madarakani.
“Kukosa fedha kwa muda mrefu na hatari kubwa zinazokabili mapambano ya kimataifa ya UKIMWI zina athari kubwa na za kudumu juu ya afya na ustawi wa mamilioni ya watu ulimwenguni pote”, shirika la UNAIDS lilisema Jumanne katika ripoti iliyoitwa “Kushinda Msukosuko”.
Ripoti hiyo iinaeleza kuwa, idadi isiyojulikana ya watu wamefariki dunia kutokana na UKIMWI na milioni 2.5 wamepoteza ufikiaji wa dawa ya kukinga,”
Kwa mujibuu wa Umoja wa Mataifa, nchi nyingine pia zimepunguza msaada kwa kiasi kikubwa na kusababisha hatari ya kusambaratika kwa huduma za kuzuia maambukizi ya HIV, hali ambayo inaweza kusababisha ongezeko la maambukizi.
Winnie Byanyima amesema UNAIDS inashirikiana na takriban nchi 30 kuboresha ufadhili wa ndani ili kuondokana na utegemezi wa wafadhili wa kimataifa.
Lakini alisema pengo la ufadhili haliwezi kuzibwa mara moja, na changamoto kubwa bado zipo.
UNAIDS inasema watu milioni 40.8 duniani kote wanaishi na VVU, huku maambukizi mapya ya watu milioni 1.3 yakiripotiwa mwaka 2024.