Mamlaka ya Mapato Tanzania (TRA) Mkoa wa Dodoma imeendelea na juhudi za kuboresha huduma na kuongeza uwazi katika masuala ya mapato, ambapo kupitia mkutano maalum uliowakutanisha viongozi wa wafanyabiashara, wawakilishi wa makundi ya kibiashara pamoja na wataalam wa kodi wamejadili changamoto zinazowakabili walipakodi na kuweka mkakati wa pamoja wa kuimarisha mazingira ya ulipaji kodi.
Meneja wa TRA Dodoma, Pendolake Elinisafi, amewahakikishia wadau kuwa mamlaka inaendelea kuimarisha mifumo ya TEHAMA, matumizi ya mashine za EFD pamoja na utoaji wa elimu endelevu ya kodi.
Amesema majadiliano ya wazi kati ya TRA na wafanyabiashara yamekuwa njia madhubuti ya kubaini changamoto na kuzijibu kwa wakati, hatua inayolenga kuongeza utii wa hiari na kupunguza migogoro ya kikodi.
Wadau walioshiriki mkutano huo wamepongeza jitihada za TRA, huku wakisisitiza umuhimu wa mawasiliano ya mara kwa mara na utoaji wa taarifa sahihi. Wamesema vikao vya mara kwa mara kati ya TRA na wadau ni muhimu katika kujenga uelewa wa pamoja na kuongeza uhakika kwa wafanyabiashara.
#azamtvupdates
Mhariri | John Mbalamwezi
.
