Shirika la Ulinzi wa Raia katika Ukanda wa Gaza umetangaza leo Jumatano, Januari 21, vifo vya waandishi wa habari watatu katika shambulio la anga la Israel lililofanywa katika eneo la kati la Palestina, licha ya usitishaji mapigano.
Imechapishwa:
Dakika 1 Wakati wa kusoma
Matangazo ya kibiashara
Shambulio hilo limefanyika katika eneo la al-Zahra, na miili ya waandishi wa habari hao watatu “imepelekwa katika Hospitali ya Mashujaa ya al-Aqsa huko Deir el-Balah,” kulingana na taarifa kutoka kwa shirika la Ulinzi wa Raia, shirika la huduma ya kwanza linalofanya kazi chini ya udhibiti wa Hamas.
Shirika la Ulinzi wa Raia limewatambua waandishi wa habari watatu waliouawa kama Anas Ghneim, Mohammed Salah Qashta, na Abdul Raouf Shaath.
Abdul Raouf Shaath, ambaye ni mwandishi wa habari wa video wa kujitegemea, alishirikiana mara kwa mara na shirika la habari la Agence France-Presse (AFP) katika miezi ya hivi karibuni.