Walinzi wa Mapinduzi wanadai kulenga Israel na kambi tatu za Marekani nchini Iraq na Kuwait. “Milio isiyokoma ya ving’ora vya ambulensi” nchini Israeli na kukiri kwa mamlaka ya Israel kuhusu “idadi inayoongezeka ya waliofariki na kujeruhiwa” kunashuhudia “kiwango cha athari za makombora mazito ya Walinzi wa Mapinduzi” katika maeneo ya viwanda ya Tel Aviv, wamesema katika taarifa.
Imechapishwa:
Dakika 1 Wakati wa kusoma
Matangazo ya kibiashara
Walinzi wa Mapinduzi wa Iran pia wamedai kwamba Kituo cha Anga cha Harir huko Erbil, Iraq, pamoja na kambi za Ali Al Salem na Arifjan, zinazohifadhi wanajeshi wa Marekani huko Kuwait, “zimeharibiwa na makombora na ndege zisizo na rubani za Iran zenye nguvu.”
Hezbollah yadai kuhusika na shambulio lingine dhidi ya wanajeshi wa Israel
Wakati huo huo wanamgambo wa kishia wenye silaha kutoka kundi la Hezbollah ya Lebanon wanadai kuwa wamewafyatulia risasi wanajeshi wa Israel karibu na mji wa mpakani wa Odaisseh kusini mwa Lebanon. Hapo awali, kundi hilo lilidai kuhusika na shambulio lingine dhidi ya wanajeshi wa Israel katika kambi ya Avivim.