Mkutano wa Kimataifa wa Nishati nchini Libya umefikia kikomo. Siku tatu za majadiliano huko Tripoli ziliwaleta pamoja maafisa na wawekezaji wa Libya, pamoja na wawakilishi kutoka Marekani, Ufaransa, Uingereza, na Italia. Matokeo yalikuwa mikataba kadhaa katika sekta ya hidrokaboni.
Imechapishwa:
Dakika 2 Wakati wa kusoma
Matangazo ya kibiashara
Tripoli ina akiba kubwa zaidi ya mafuta barani Afrika, ikiwa na zaidi ya mapipa bilioni 48. Waziri Mkuu wa Libya alieleza nia yake ya “kuongeza uzalishaji na kuboresha mazingira ya biashara,” ujumbe ambao ulisikilizwa kwa umakini na wawekezaji.
Tangazo la kwanza lilikuwa kusainiwa kwa makubaliano ya mafuta na kampuni ya nishati ya Ufaransa TotalEnergies na kampuni ya Marekani ya ConocoPhillips.
Makampuni hayo mawili makubwa yatawekeza zaidi ya dola bilioni 20 katika kipindi cha miaka 25 nchini Libya. Makampuni haya yataendeleza mkataba wa mafuta wa Waha, mashariki mwa Tripoli. Matokeo yake: ongezeko la theluthi moja katika uzalishaji wa sasa, au zaidi ya mapipa 100,000 kwa siku.
Tangazo jingine lilitoka kwa Massad Boulos. Mshauri wa Donald Trump kwa Mashariki ya Kati anabainisha kwamba mkutano huu unatoa fursa kwa Tripoli kuwa mshirika mkuu wa kiuchumi wa Marekani. Kampuni kubwa ya Marekani ya Chevron ilisaini mkataba wa makubaliano ili “kuchunguza fursa mpya za utafutaji na maendeleo.” Kampuni hii ya Marekani iliondoka nchini zaidi ya miaka kumi iliyopita kutokana na wasiwasi wa usalama.
Kwa Olivier Appert, mshauri katika Kituo cha Nishati na Hali ya Hewa cha IFRI, chenye akiba kubwa zaidi ya mafuta barani Afrika—zaidi ya mapipa bilioni 48— anasema haishangazi kwamba Tripoli inavutia maslahi ya makampuni makubwa ya mafuta: “Mafuta ya Libya ni mepesi, rahisi kuzalisha, rahisi kusafisha, Libya iko karibu na Ulaya, hivyo kupunguza gharama za usafirishaji kufikia soko la mwisho.”
Mnamo mwezi Agosti mwaka uliyopita, kampuni ya ExxonMobil ilitangaza kurudi nchini Lbya ikiwa na makubaliano ya utafutaji wa gesi ya nje ya nchi. Hata hivyo, kulingana na Olivier Appert, makampuni makubwa ya mafuta yanaendelea kuwekeza kwa tahadhari, kutokana na hali tete: “Uzalishaji wa mafuta unaweza kusitishwa mara moja. Bado ningeshangaa kama wangeanzisha uwekezaji wa mabilioni kwa sababu Libya ni nchi ambayo mtu lazima awekeze kwa tahadhari, akizingatia hatari ya usalama.” “
Tripoli, kwa upande mwingine, inataka “kuongeza uzalishaji na kuboresha mazingira ya biashara.” Hivyo, kwa mara ya kwanza katika miaka kumi na minane, serikali inatarajiwa kutangaza mwezi ujao matokeo ya zabuni ya kimataifa ya vibali vya utafutaji wa mafuta na gesi.
Wajumbe wa Misri, Italia, na Uingereza pia walikuwepo. Wote walijadili fursa za uwekezaji katika sekta ya hidrokaboni.”