Nchini Venezuela, sheria ya msamaha kwa wafungwa wa kisiasa ina miezi miwili haswa tangu kuidhinishwa. Ilipitishwa na bunge mnamo Februari 20. Katika miezi hii miwili, mamia ya wafungwa wameachiliwa huru, lakini utekelezaji wa sheria hiyo bado unaibua mjadala.
Imechapishwa:
Dakika 1 Wakati wa kusoma
Matangazo ya kibiashara
Wafungwa 771 wamepewa msamaha nchini Venezuela, kutokana na “wakati mpya wa kisiasa,” kama rais wa mpito Delcy Rodriguez alivyouita wakati huo, anaripoti mwandishi wetu huko Caracas, Alice Campaignolle. Watu hawa 771 hawana hatia tena na hawako chini ya usimamizi wa mahakama.
Sheria ya msamaha iliyokusudiwa kusababisha kuachiliwa kwa wafungwa wote wa kisiasa ilitangazwa katikati ya mwezi Februari na rais wa mpito Delcy Rodriguez, chini ya shinikizo kutoka Washington kufuatia kukamatwa kwa rais Nicolas Maduro na jeshi la Marekani mnamo Januari 3.
Sheria inasema kwamba walengwa watarajiwa lazima waombe msamaha katika mahakama zilizowahukumu. Hata hivyo, msamaha umekataliwa kwa Javier Tarazona, kama ilivyo kwa wafungwa wengine. Mwanaharakati huyu, mmoja wa watu mashuhuri zaidi nchini, aliyeachiliwa mwezi Februari baada ya karibu miaka mitano gerezani kama sehemu ya mpango wa kuachiliwa kwa wafungwa wa kisiasa, hivi karibuni alilaani “kuhukumiwa upya” kwa familia zake baada ya kesi yake kuahirishwa tena na ombi lake la msamaha kukataliwa na mahakama.
Wafungwa wengi wa zamani bado wanapaswa kufikishwa mahakamani kila baada ya wiki mbili huko Caracas, bila kujali kama nyumba zao ziko umbali wa saa kadhaa. Na wengine wamenufaika na sheria ya msamaha, lakini hawajarejesha mali zao zilizochukuliwa, nyumba, magari, au biashara.
Kwa hivyo, utekelezaji wa sheria hii ya msamaha unakosa uwazi. Ni nani anayeweza kuiomba? Masharti ni yapi? Muda uliowekwa ni upi? Kwa sababu baadhi ya wafungwa wa zamani walioachiliwa hivi karibuni wanadai waliwasilisha ombi la msamaha wiki kadhaa zilizopita na bado hawajapata jibu. Mamlaka ya mahakama hayajazungumzia kuhusu jambo hilo. Na kulingana na mashirika yasiyo ya kiserikali, ikiwa ni pamoja na Foro Penal, bado kuna wafungwa 477 wa kisiasa wanaozuiliwa jela nchini Venezuela.