Waziri wa Mambo ya Nje wa China Wang Yi ameitaka Pakistan “kuongeza juhudi zake za upatanishi” kati ya Tehran na Washington, shirika la habari la serikali la Xinhua limeripoti. Waziri wa China alizungumza kwa simu siku ya Jumanne na mwenzake wa Pakistan, Ishaq Dar, vyombo vya habari vya serikali ya China vimeripoti leo Jumatano asubuhi.
Imechapishwa:
Dakika 1 Wakati wa kusoma
Matangazo ya kibiashara
Wang Yi pia aliitaka Islamabad “kuchangia katika kushughulikia ipasavyo masuala yanayohusiana na ufunguzi wa Mlango-Bahari wa Hormuz,” Xinhua imesema. “China itaendelea kuunga mkono juhudi za upatanishi za Pakistan na itatoa mchango wake kwa lengo hili,” Wang Yi pia alisema, kulingana na shirika la habari la serikali.
“Pande zote mbili zilisisitiza umuhimu wa kudumisha usitishaji mapigano wa kudumu na kuhakikisha usafiri wa meli kupitia Mlango-Bahari wa Hormuz,” Wizara ya Mambo ya Nje ya Pakistan imesema katika taarifa.
Wakati huo huo Rais wa Marekani Donald Trump anatarajiwa nchini China leo Jumatano jioni, mshirika muhimu wa kimkakati na kiuchumi wa Iran.